Մեծ Հայրենական պատերազմում հաղթանակի 75-րդ ամյակի կապակցությամբ դեսպան Բալայանը հարգանքի տուրք մատուցեց Կարմիր բանակի զինվորների հիշատակին

09 մայիսի, 2020

Մայիսի 9-ին դեսպան Տիգրան Բալայանը Մեծ Հայրենական պատերազմում հաղթանակի 75-րդ ամյակի կապակցությամբ Լյուսդենում գտնվող Կարմիր բանակի զինվորների հուշահամլիրում հարգանքի տուրք մատուցեց Երկրորդ համաշխարհային պատերազմում՝ նացիզմի դեմ պայքարում զոհվածների հիշատակին։

Հուշարձանին «Հաղթանակած բանակի զինվորներին Հայաստանի Հանրապետության դեսպանից» գրառմամբ ծաղկեպսակ զետեղելուց հետո դեսպան Բալայանն այցելեց հայազգի զինվորների գերեզմաններին։

Լրագրողների խնդրանքով անդրադառնալով օրվա խորհրդին` Տ․ Բալայանն ընդգծեց 2-րդ աշխարհամարտում իրենց կայնքը զոհաբերած նախնիների հիշատակը վառ պահելու կարևորությունը՝ հիշեցնելով, որ, Կարմիր բանակի և դաշնակից ուժերի կազմում պատերազմին մասնակցել է 500 հազարից ավելի հայ զինվոր, որոնց շարքերում կային նաև Նիդերլանդների ազատագրման համար պայքար մղած հարյուրավոր հայորդիներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր